Ito ang inihayag ni Presidential Spokesperson Harry Roque noong Abril 24, at sinabing hindi magdadalawang isip ang Pangulo na magdeklara ng martial law kung magpapatuloy sa pag-atake ang mga NPA sa tropa ng pamahalaan na tumutulong sa local officials sa pamamahagi ng ayuda sa mga tao at sa pagkontina sa krisis na hatid ng coronavirus disease 2019 (Covid-19).
Ayon kay Roque, ang walang tigil na pag-atake ng mga NPA sa puwersa ng pamahalaan ang magiging legal na basehan ng Pangulo para magpatupad ng martial law.
Sa isang taped public address na umere noong umaga ng Abril 24, nilinaw ng Pangulo na wala siyang intensyon na isailalim ang bansa sa martial law.
Gayunpaman, mapipilitan umano siya kung magpapatuloy ang karahasan at mga pagpatay ng NPA, ang armadong galamay ng Communist Party of the Philippines (CPP).
Paliwanag ni Año, “Ano ang magiging batayan kung bakit magde-declare ng martial law? Kapag nagkaroon ng massive public disorder at kung meron talagang grupo na magti-take advantage katulad ng CPP-NPA sa crisis na ito.”
Batay sa 1987 Constitution, papayagan na magdeklara ang Pangulo ng martial law “in case there is invasion or rebellion or when the public safety requires it.”
Tiniyak naman ni Año na kontrolado pa rin ng pamahalaan ang sitwasyon.
Aniya, ”Sa ngayon naman, kontrolado natin ang mga sitwasyon dito sa ECQ. So, makakaasa ang ating mga kababayan na tayo ay sisiguraduhin natin ang kaligtasan ng lahat sa panahon ng krisis na ito.”
No comments:
Post a Comment